ကျေးဇူးတရား
သာလှ။ ။ဟိုတစ်ခေါက်ကခင်ဗျားကျွေးတဲ့ငါးရံ့ခြောက်လေးအတွက် ကျေးဇူးတင်တယ်ဗျာ။
ဖေမြ။ ။မင်္ဂလာပါပဲဗျာ။
သာလှ။ ။ဒါနဲ့- ကိုဖေမြရေ၊ လူတွေကတော်တော်ကျေးဇူးကန်းကြတယ်နော်။ တစ်ခါတစ်လေကျွေးလည်းကျွေးရသေး၊ ဆဲလည်းအဆဲခံရသေးတယ်။ စေတနာတွေဝေဒနာဖြစ်ကုန်တာပေါ့ဗျာ။ စားစားဆဲဆဲလူတွေကို အံ့သြမိတယ်ဗျာ။
ဖေမြ။ ။သြော်-ခင်ဗျားက ရင်ဘတ်မှာဒဏ်ရာနဲ့ကိုး၊ စိတ်ကိုလျော့ ကိုသာလှ စိတ်ကိုလျော့ ဟဲဟဲ--
သာလှ။ ။အေးဗျာ- တစ်ခါတစ်လေ ရင်ထဲအောင့်တယ်။
ဖေမြ။ ။ဒီလိုဗျ ကိုသာလှရဲ့၊ လူတွေကမေ့တတ်လို့ပါ၊ မေ့သွားလို့ဖြစ်ရတဲ့ ကိစ္စတွေပါဗျာ။
သာလှ။ ။ရှင်းစမ်းပါဦး ကိုဖေမြရဲ့။
ဖေမြ။ ။ကျုပ်တို့ရှုရှိုက်နေတဲ့လေရဲ့ တန်ဖိုးကိုတောင် ကျုပ်တို့မတွက်မိကြဘူး။ ဒီလေဘယ်ကလာသလဲ၊ ဘယ်သူလုပ်ထားတာလဲ။ ကိုသာလှ ခင်ဗျားနှာခေါင်းရောပါးစပ်ပါ (၂)မိနစ်လောက် ပိတ်ထားလိုက်ဗျာ- ပြီးမှကျုပ်မေးတာကိုဖြေ။
ကိုသာလှ။ ။မလုပ်ပါနဲ့ဗျာ၊ အကြောက်ကြီးကြောက်ပါတယ်ဗျာ၊ ကျုပ်နေချင်သလိုနေပါရစေဦး။
ဖေမြ။ ။ကျေးဇူးဆိုတာ တစ်ယောက်သောသူက တစ်ခြားတစ်ယောက်သောသူကိုစေတနာရှိတယ် စေတနာရှိတော့ ခံစားရတာကိုဝေငှတယ်၊ အကျိုးကိုဆောင်တယ်၊ တစ်ဖက်သူကလည်း အဲဒါကိုလက်ခံတယ်။ ဒါတော့ သူတို့နှစ်ယောက်အကြားမှာ ကျေးဇူးဆိုတဲ့ စေတနာအရင်းခံ မမြင်ရတဲ့အကြောင်းတစ်ခုဟာဖြစ်ပေါ်လာတယ်။(ကြောင်းကျိုးပြောင်းပြန်) အဲဒါကို တရားလို့ယူမှတ်မယ် ဆိုရင်လည်း ကျေးဇူးတရားပေါ့ဗျာ။
သာလှ။ ။ဒါဆိုရင်ကျေးဇူးသိတတ်မှုကကော။
ဖေမြ။ ။တစ်ဖက်သူကသက်ရောက်မှု ရှိလာပြီပဲဗျာ ကျန်တဲ့တစ်ဖက်သူကလည်းတန်ပြန်သက်ရောက်မှုရှိမှာပေါ့။
သာလှ။ ။ကျေးဇူးမသိတတ်မှုဆိုတာကရော။
ဖေမြ။ ။(၂)မျိုးရှိတယ်ဗျ။ နံပါတ်(၁)တစ်မျိုးက တစ်ဖက်ကပြုတဲ့စေတနာကို အသိအမှတ်ပြုမထားတာရယ်၊ နံပါတ်(၂)တစ်မျိုးက တစ်ဖက်ကပြုတဲ့စေတနာကို သိကိုမသိတာရယ် ပေါ့။
သာလှ။ ။ကျေးဇူးကန်းတာကကော။
ဖေမြ။ ။ တင်စားပြီးပြောတာပါ။ တစ်ကယ်တော့သူက ကိုယ့်အပေါ် ကောင်းထားတာကို သိလျက် လက်ခံလျက်နဲ့ သူ့အပေါ်မှာပြန်မကောင်းနိုင်တာကိုပြောတာပါ။
သာလှ။ ။ရှင်းပြီ ကိုဖေမြရဲ့။
ဖေမြ။ ။အကြံစည်တစ်ခု နဲ့ ကျေးဇူးပြုတာတော့ ပြုသူလည်းမကောင်း ခံရသူလည်းမကောင်းဖြစ်တော့မယ်။
သာလှ။ ။အေးဗျာ- ခင်ဗျားပြောလို့ ကျုပ်တောင်တွန့်ဆုတ်တွန့်ဆုတ် ဖြစ်သွားရပြီ။
ဖေမြ။ ။ဘာများတွန့်ဆုတ်တွန့်ဆုတ်ဖြစ်သွားရတာလဲ၊ ကိုသာလှရဲ့။
သာလှ။ ။ခင်ဗျားအတွက်ဆိုပြီး ကျုပ်မြို့ကပြန်လာတာ ဘီယာနဲ့ဘဲကင် ၀ယ်လာတယ်ဗျာ၊ ရော့ဒီမှာ။
ဖေမြ။ ။ဟား--ကိုသာလှရယ်၊ ဖြစ်မှဖြစ်ရလေဗျာ။ ဒါ-ဒါ ကျုပ်ဖေ့ဘရိတ်တွေဗျ။
သာလှ။ ။ကျေးဇူးလာဆပ်တာမဟုတ်ဘူးနော်၊ သောက်စေချင်လို့ယူလာတာ၊ ကျေးဇူးတွေဘာတွေ ဘေးမှာခဏ ထား ထား ရအောင်ဗျာ။
ဖေမြ။ ။ဒါဆိုလည်း ခင်ဗျားသဘောပဲ။ နောက်မှ ကျေးဇူးတရားရဲ့ Justic နဲ့ Ethic ကို ပြောပြမယ်ဗျာ။ အခုတော့ အပြောနဲ့အလုပ်မညီနိုင်သေးဘူးဗျ--ဟဲ-ဟဲ
God Bless You
Brother Aung
